احم احم .. :وجه واحد مسوين معه مقابله شخصيه ومستحي:

تيب تبوني اعرفكم بنفسي ..

أولاً إسمي سومي  << احلفي  .. مواليد الرياض 1407 – 1987 وسكان الجبيل الصناعيه فديت أرضها..

عمري الله اعلم انه 21 او 22 :واحد يصرّف: .. عانس مع سبق الإصرار والترصد خخخخ

أدرس في السنه الرابعة في كلية الجبيل الجامعيه تخصص نظم معلومات اداريه – MIS

ولايجي احد يقولي اني ادرس حاسبتراه ياخلق موب حاسب هذا الإختراع هو اداره  + برمجه تخصص يجمع الشيئين هذول

أعشق اليابان واليابانيين واموت فيهم وفي حضارتهم وبلدهم وكل شي فيهم ..

دارسه اللغه اليابانيه حمدلله بشكل جيد اقراء واكتب واتكلم .. واسمي KaWaii GiRl هو كلمه يابانيه معناها البنت اللطيفه الكيوت الحبوبه الحلوه اي شي كذا يعني << بتنجلد على هالمدح بنفسها هههه

طمـــــــــوحه لأبعد الحدود وحـــــــالمه من الدرجه الأولى عشان كذا دايم اطيح على وجهي هع

أحب التصميم واحسني اعبر عن مشاعري كلها في تصميم حتى لو كان يحكي شي خيالي .. برضوا احب اكتب خواطر واحسها تعبر عن اللي جواتي حتى لو ماكانت تحكي شي صار لي في العالم الحقيقي يكفي اني ابحر في بحر الخيال وانا اكتبها ..

احب الأنمي كثير واتابعه دايم واشوف كم دراما يابانيه

أحب اكتشف كل شي جديد وأحب حياتي تكون كلها آكشن ومغامرات وبنفس الوقت أعشق الروتين وماأحب اي شي يغير روتين شي بحياتي أو شي تعودت عليه..

أحب احتفظ بكل شي ممكن يذكرني بذكرى حلوه أو مو حلوه بيوم حتى لو كان منديل بكيت فيه او قرطاس حلاو او حتى علب عطور وارواج فاضيه..

بس أتوقع كذا كفايه كلام عن نفسي اتوقع اني لخصت نفسي في سطور وان شاء الله مدوناتي رح تعرفكم علي اكثر واكثر

مع خالص حبي لكل من يقراء حروفي المنثوره في ارجاء مدونتي ..

KaWaii GiRl

لا يمكن إضافة تعليقات.