{.. تجربتي مع الليزك ~
سلام عليكم :5agh: يخرع الفيديو صح :5agh: تخيلوا إني قبل عمليتي قعدت أتفرج فيه يمكن ميتين مرة 
رحت وأنا عارفة كل شي بالثانية متى بيصير 
نظراً لطلب الأخ أحمد صاحب مدونة خاطرة بيضاء إنو أتكلم عن تجربتي مع العملية فـ رح أحكي عنها من إلى ولحد يتعقد تراني أنا حساسة بزايدة خخخخ يعني يمكن ماتعور مره بس أنا أشوفها نوع من أنواع التعذيب إلي أتوقع إنهم يمارسونه في غوانتنامو 
طيب وشسمه أنا رحت وأنا عندي خلفية تامه كبيرة جداً بحكم إني شفت الفيديو مليون مره .. ورحت على موعدي لمستشفى الكحال للعيون بالدمام .. وعلى فكرة هذي أفضل عيادات عيون بالمملكة والدكتور عادل الرشود مافي مثله أبداً 
أوكي المغربي وغيرهم يسوون العملية بـ حوالي ٥٠٠٠ وبالكحال بـ ٨٥٠٠ بس الصراحة كذا وحده أعرفها بعد ماسوت عند مغربي وغيره مارجع نظرها بيرفكت بعد العملية .. فـ نصيحة من عندي لاتروحون إلا عند د.عادل 
المهم رحت يوم الثلاثاء وهو اليوم الوحيد بالإسبوع الي يسووي فيه الدكتور عملية الليزك .. وكنت متحمسه وعلى بالي أبد بيقعدوني ٥ دقايق يقطعون بعيوني شوي ويلزقونها ويلا يابنتي قومي إنطلقي وقزي لوحات المحلات ولاتبقين نملة ما تشوفينها ولا قملة 
والله قعدت بالويتنغ رووم وشوي إلا هذول يعطوني هذي الأشيائات المرعبة حقت غرفة العمليات يلبسوني اياها :wshoo: ياعرب إحنا ما اتفقنا على تسذا بنوب بنوب :wshoo: بغيت أنحاش بس الممرضة ربطتني للكرسي ولبستني 
الزبدة أنا تخرعت من نفسي يوم شفتني بالملابس هذي :wshoo: وفجأة وأنا أنتظر إلا بدأ قلبي الله يصلحه يدق يدق خربها بس أنا داريه قلبي شجاع مغوار لكن كله من هالبلاوي الي ملبسيني اياها حسسوني إني بدخل عملية زراعة مريء موب تشطيب 
والله وقوموني وودوني للغرفة حقت العمليات وكنت بعد بأنحاش بس أبوي طل على ومسكني بالغصب ودخلني الغرفة 
والله مدري هل الغرفة كانت عباره عن فريزر ولا أنا من شفت عشرين ممرض وممرضه والدكتور وأنا قمت أفقد الإحساس بالبرد والحر 
والله ويحطوني على وشسمه السرير (- لاعاد :555: .. وغطوني بعشرين طعش غطا أبيض عاد هنا ساعتها تذكرت الموت وفقدت الإحساس بكل شي في جسمي قلت اييه بتموتين يابنت الحلال تشهدي تشهدي :yarb: وأرمق أبوي بنظرات الوداع الأخيرة قبل لا يغطون وجهي :5agh: وداعاً بابيتو
والله ويغطون كل شي فيني الا فتحة عيني اليمين .. أنا ما فقع قلبي إلا الدكتور عادل الله يصلح قلبه .. الحين أنا حالتي حاله وميته خووف وهو يسولف :h: يقولي إسمك سمية .. وطبعاً أنا كائن متشنج ويرجف وبعالم ثاني فمارديت
بعدين جاء خلاص الي نزل بيشق عيني وأنا خلاص ببكي .. قالي يلا بنبدأ باليمين جعلك الله من أهل اليمين (- في هذه اللحظة حسيت من جد إني بنهااار قلت الله يصلحك مو وقته اخلص علي يرحم والديك
قال بسم الله والله أكبر والحمدلله وإلى اللقاء وأنا قمت أتشهد بس 
والله وفقعت قلبه جبت له مغص في بلعومه من كثر ماقالي يابنتي في اللون الأخضر يابنتي .. الحين وانا منسدحه مفروض إني أطالع فوق في لبمة خضراء وعيني ماتتحرك يمين ولاشمال بس أبحلق فيها 
فـ عاد وش أسوي ماقدرت أمسك نفسي صارت عيوني تسوي كذا كذا كل شوي :ahaaa: وانبح صوته مسكين يقول النور الأخضر يابنيتي ومافي أمل بنيتي ولا جدتي لازلت مصره :ahaaa: حتى حسيت الليزر شقر حواجبي بالطريق من كثر ما سويت كذا :ahaaa: (- لاعاد
والله وأسمع ناس حوالينه يعلقون وشكلهم يتعلمون مدري يدرسون الزبدة أزعجوني وخربوا جوي 
وعاد هو قام يقطع أول شي عيني بمشرط هنا كانت الرؤية طبيعية بعدين يوم يشيل الطبقة صارت نص نص صرت أشوف مع بلور شوي :mmm: بعدين يوم يشتغل الليزر صرت ما أشوف ولاشي يعني صار كتلة ضباب على عيني .. وشوي صرت أشم ريحة شياط وحريق :relax: يالله ستركمابغيت أنط من الكرسي وأنحاش أبد 
بعدين كب ابرة فيها موية بعيوني وبعدين قطرة ثانية توخر المخدر من العين وسوا العين الثانية ننفس الشي وبعدين حط عدسات كبيره بعيوني عشان تحمي العملية أول ٤ أيام وكل الشغلة يمكن ٦ دقايق ماكسمم وقالي يلا نعيماً 
وشالوا المفارش والخيام الي كانت فوقي وقالوا لي اذلفي ولاعاد ترجعين
طبعاً أنا كنت حاطه ببالي إني بأنقز من هالسرير وأصير خضراء اليمامة بس وأنا لسا أتجهز للقومه قالي الدكتور .. يابنتي ترى اول اسبوع الرؤية مو كويس وتبدأ تزين شوي شوي :no: قلت يؤ وشفيه ذا مضيع أنا خلاص الحين بصير كاميرا مع زوم ١٠ X والله وبس جيت بأمدد برجولي وأنزل الا لاشي :bk: بغيت أزلق أصلاً من كثر ما إني ما أشوف شي
طيب سكتنا ورحت للحرمة الممرضة وقامت تقولي هذي التعليمات وكذا وكذا ولا تحطين ميك أب ولا نور ولا صابون ولا ولا 
قلت أوتسي مو مشكلة 
وبس نزلت أنا وأبوي للصيدلية تحت عشان نشتري القطرات كانت الفاجعة :ent: عيوني بدت تعور بشكل مرعب :relax: يالله سترك بعد
والله وبس ركبنا السيارة وبحكم إن الطريق من الدمام للجبيل ساعة وشي فـ أضطررت للجلوس وتحمل الألم طول الطريق .. أول شي فك بنج العين اليمين بعدين فك بنج العين اليسار وبدأ صداع مسك راسي من الجنبين وألم فضيع .. هو المفروض الواحد يرجع البيت على طووول يحط القطرات وياخذ مسكنات بس أنا قعدت ساعة ونص المشوار من دون شي .. 
أبوي يسوق وأنا واااااااع وااااااااااااع وقف خلاص بموت أنا نزلني نزلني مابي أرجع :waaa: أبي أمييي 
مابي عيوني خلاص شيلوهاااع :waaa: وبكيت بكيت بكيت ولحد حولي
والله ومرت الساعة ونص هذي مثل سنتين ووعشر أيام و٥ ساعات 
وبس دخلت البيت طبعاً الي مايعرف فـ أنا يوم أطلع من البيت كنت منشكحه ومبسوطة 
تقولون رايحه حفلة وبس رجعت وفتحت الباب وشفت أمي وأفكها بكوة ومن هذيك اللحظة ولمدة ٣ أسابيع وأنا أبكي على أتفه شي بالحياة جتني حالة حساسية ورقاقة مشاعر 
والله وأغلف غرفتي كلها .. ماخليت للنور طريق لها .. صرت باتمانه 
صدق والله على إني كنت ٢٤ ساعة في البيت بالنظارات الشمسية إلا إني لو أشوف لمبة مفتوحة أحس كإن سكين إنغرست بوسط عيني فـ سويت أنواع القلق لأهلي :timeout: هيييه هيه مافي لمبات
كنا رمضان وأيام فطور وكذا أخليهم يفطرون في الظلام :timeout: نو لمبات بتاتاً والبيت كله صار رومنصي عايش عالأبجورات وإذا أحد سمع صوتي قربت يقفلون كل شي 
طبعاً عادي جداً كانوا أهلي يقومون الفجر الصبح آخر الليل على صوت صياحي وبكاي وعيوووونييي وآآآع ومساكين أحس جبت لهم حالة نفسية هذيك الأيام
أول ٣ أيام وعدت على خير .. وبعدها جاء اليوم الموعود .. يوم فك العدسة الله لا يوريكم هذاك اليوم التعيس كان يوم عيد الفطر الصباح 
والله أبد صرت بس أرمش تحك جفوني بالقطع حق العملية فـ صرت مفتحه عيوني كذا ٢٤ ساعة :wshoo: ولا مقفلتها ٢٤ ساعة
وعموماً بعد العملية صرت أنام بالهبل لإنو النوم في هذه الحالة أهون .. وصرت أقطر بعيوني ٤ قطرات ٤ مرات باليوم :slmat: مره القطرات كانت تسبب لي أزمة 
وحمدلله عدت الأيام بسرعة والحين حمدلله ياربي لك الحمد نظري صار ٦ على ٦ بعد ماكان – ٦ وشي سبحان الله في دقيقتين عيوني الي ماكنت أشوف فيها ولاشي صارت كإني توني والدة :hug: حسيت هذي معجزة من جد
نو عدسات نو نظارات نو فرك للعيون كل شوي :relax: حمدلله يارب هي اسبوعين عذاب وتعدي بعدها سنين راحة
مايستفاد من الموضوع يرجى إتباع النصائح التالية إن كنت ستعمل عملية ليزك ..:
-شيل من راسك إنك بتصير أزرق اليمامة بعد العملية مباشرة
-خذ حبوب بنادول أول ماتطلع من العملية على طول لإن البنج يفك في أقل من ربع ساعة
-خل عيونك عاللون الأخضر
-تفرج مسلسلات تركية ومسلسلات طبية ( ينصح بـ قريز أناتومي سيزن ٥ آخر حلقتين ) عشان فيها موت واجد فهذا يساعد على ذرف الدموع الي تعمل على الترطيب وإبعاد الألم (- ماكانت تسويها أبد
-لايضحكون عليك ويقولون لك النظارة الشمسية البنية او الفاتحه او الصغيرة تنفع خذ نظارتن سوداء كبيرة من الفم لأقصى الجبهة ولو تغطي فوق الشعر بعد أحسن
-صكر حتى فتحات النمل و القمل إلي بغرفتك لإنها ممكن تكون مصدر للنور بعدين :فيس متعقد من النور مرا مرا:
القطرات لا تتهاون فيها لإن كثير مارجع نظرهم كامل لإنهم أهملوا القطرات .. هي صح قلق وشغلة ولازم أصحى من النوم كل شوي بس عادي
-نسيت لو تذكرت بعدين كتبت :5agh: (- آآآوت
وكل سنة وإنتوا طيبين ووداعاً
2 نوفمبر 2009 في الساعة 12:45 ص
ههههههه…
…
ياكثرك يا سومي
ما قريت الموضوع كله سوري
…
بس جيت أقول لك اني زعلانه أصلن ولساتني على كلمتي ان حبنا انتهى…لأنك جرحتي مشاعرتي شر جرحة…
راح الشعر الأشقر…وراحت العيون الزرق ليه ياربي…
…
صرت ما أعرفك وين وديتي سومي يلا اعتتتتتتتترفي…< هذي الأفلام وما تسوي
الموهيم…
الحمدلله على سلامتك ياااااااااصديقتي الصدوقة…
وتراك تهبلين ماعليك خلاف وعيونك وش زينها مافيها شي< قدامي 24 ساعة في الجامعة تمقققلت فيها لين حفظت حتى شكل البؤبؤ
< يعني الحين شكل البؤبؤ مو دائري جبت اختراع الحين…
ياعمري إنتي وأختي العملية مرة تخرع يوم شفتها بالفديو…حمدلله على سلامتكم…أنا لو منكم ما أسويها
أكثر شي أليم يوم تبكين ذاك اليوم يختي قططططعتي قلبي إرباً إرباً…
…
عالعموم الحمدلله على سلامتك وما يستفاد من العملية:
1- عنونك صاروا بخير يا عنوني…^_^
2- صار عندك نظارة كشخة … D=…
3- صرتي تشوفيني وتتأملين جمالي الخارق بصفاء ووضوح…أطلقي لعينيك العنان يا صديقتي لا تستحين أبد…
تحياT
o.^FaNcY FaCe^.0
2 نوفمبر 2009 في الساعة 2:25 ص
آآآآه منك بديت أهون
مقطع الفديو يا اوخيتي ما شفته ولا راح اشوفه ، احس انه فلم رعب
يمّه , والله خوفتيني من قصتك , ابوي مسوي العملية ويقول لي سهله ما فيها شئ دقيقتين وخلصت ,, بس بعد العملية بيومين للأسف ما شفته وشفت معاناة البنج اللي تقولين عنها , قابلته وهو بكامل صحته ويقول لي آلام بسيطة لا تذكر .. حسيت انه يبي يهون علي بسس
.. لكن من جد بديت اعيد التفكير بعد كلامك 
..
<< خواف
BTW
اسلوبك حلو في سرد الاحداث , استفدت كثير من تجربتك الممتعة
والحمد لله على سلامتك
..
2 نوفمبر 2009 في الساعة 12:29 م
أسلوبك بالوصف ممتع ورائع . . خوفتيني من الآلام اللي بعد العملية . . وشلون النور لاء . . طيب مدمنين النت وش مصيرهم هنا !!!
الحمد لله على سلامتك وعقبالي
2 نوفمبر 2009 في الساعة 4:38 م
آآآآآآآآآآح ياااااااااعينيييييييييي وأنا اقرأ أحس اني انا اللي مسوية الليزك دا مو انتي
بس الحمد لله على السلامة ومبروك عليكي 6 على 6 ، الله يحفظك ويحميك يارب ..
بصراحة ما افكر اقدم على هذه الحركة والى الآن عايشة على النظارات الله يخليها
5 نوفمبر 2009 في الساعة 3:56 م
انسانة ممتعه والله > برااا
بس دايم يعجبني اسلوبك بالكلام
بدال ما احس انه فلم رعب بالعكس استانست ههه
الحمدلله ع السلامة ومبرووووووووووووووك
وبرضو مبروك رجعه المدونة ..
6 نوفمبر 2009 في الساعة 4:54 م
يوماه
ابغى اسويها بس انا خوافة
مافي مكان يسويها ببنج كامل ؟
شلون يعني تناظرين بالشي الاخضر وهم يشقون عينك ؟
حمدلله ع السلامة
6 نوفمبر 2009 في الساعة 8:29 م
ههههههههههههههههههههههه فانسي يادب لاعاد تردين الا وانتي قاريه كل شي هههههههههه
وش أسوي ياحبي الواحد مصيره يرجع لأصله ويصير باللوك السعودي البحت
إن شاء الله لاجاء الشتاء سويت تان وصبغت شعري أشششقر وشريت عدسات زرق خخخخخخ < < هذي الي فاهمه التان غلط :bk:
وووووه بس فتيتك صرت الحين أشوفك زين ياصقيقتي وأتمقل فيك
نورتي الحته يابعدي وترى حتى انتي ياكثرك ردك طويل
6 نوفمبر 2009 في الساعة 8:32 م
أحمد هههههههههههههههههههههههه
لا تخااف ترا أنا أبالغ بعض الشيء وأنا ترى من النوع إلي لو أدعس نملة بالغلط وأنا ماشية قعدت أبكي طول هذاك اليوم حساسة بسم الله علي
لا صدق توكل على ربي وسوها وإن شاء الله كم يوم وبعدها شوف أنا الحين واقفه اليوم من شباك بيتنا وأقز كل شي وحتى الناس الي جوا السيارات
حسيت احساس جميييل إن عيوني تتنفس 
وعلى فكره عماتي ٤ سوا العمليه ٢ منهم من ثاني يوم قاموا مثل الحصانات .. ووحده منهم من ثاني يوم قامت تقرا ههههههههههههه وأنا اسبوعين ما أقدر أقرا شي أو أطالع بالتي في
مع إنو نظرها كان قريب من نظري يعني أنا -٦ وهي كانت الموست -٥ ونص
يقول الدكتور بعض الناس تلتأم معهم بسرعه ومايحسون بشي وبعضهم لا يقعدون اسابيع
الله ييسر لك وإن شاء الله تقوم بالسلامة والعافية وماتخاف هع
6 نوفمبر 2009 في الساعة 8:35 م
سارا الحلوة
الله يسلمك ياحبي وبالنسبة لمدمنين النت أمثالي مصيرهم إني وش سويت .. طبعاً احلمي تقربين من شاشة الكمبيوتر أو التي في
لكن كنت اجيب سوير أختي أنا أنسدح بالفراش وأغطي عيوني وأخليها تقرا لي ايميلاتي وتسولف للبنات عني بالمسن وتشيك لي المنتدى وترد عني هههههههههههههههههههه
وبرضوا مع المسلسلات كنت أجيبها جنبي وأسمع المسلسل وتقعد توقفه شوي تحكي لي وش قاعدين يسوون وكيف واقفين وهكذا خخخخ توصف لي المشهد يعني وأنا أسمع
هو أحلى شي في الموضوع الدموع الصناعية الي يعطوونك اياها
اختراع رهييييب 
نورتينا ياحلووه
6 نوفمبر 2009 في الساعة 8:37 م
هههههههههههههههههههههه تونا العسل
الله يسلمك ياحبي وبسسم الله على عيونك هههههههههه حسيت اسلوبي يوجع خخخخ
وخليكي عالنظارات لما تحسين انك مرا تعبتي منها سوي العمليه
انا لإني البس النظارات من كان عمري ١٠ سنين فـ خلاص حسيت تعبت منها ومن العدسات وراحه الصدق
نورتينا ياقلبوو
6 نوفمبر 2009 في الساعة 8:38 م
هلا رحوله
الله يسعدك ياعسل احرجتيني :$ أجل اسلوبي حلوو وووه بث فتيتك
ووينك ماشفتك بالجامعة :$
كلك ذوق ياقلبوو والله يخليكي
6 نوفمبر 2009 في الساعة 8:43 م
جاز
ما اتوقع ياقلبو فيه مكان يسوي بنج كامل
لانو كلها ١٠ دقايق ماكسمم وبعدين مابتحسين ولا بأي شي
هو البلا لا راح البنج بعد نص ساعة
يعني انتي لا تسوين مثلي اطلعي على طول من الغرفة وابلعي لك ٤ بانادول اكسترا 
وايوا كنت اناظر فوق فيه ٤ لمبات حمرا عالجنب على شكل معين وبالوسط فيه لمبة خضراء لازم تقعدين عينك عليها ولا تطالعين بالحمراء وعاد أنا الله وكيلك قعدت عيوني تحووووس
حسيت الدكتور بيفصخ نعاله ويجلدني 
انتي مارح تدرين انه اصلاً قاعد يقطع عينك ماتشوفين شي اصلاً غير اللمبه الخضراء هو الي خرعني بس ريحة الحريق الي طلعت يوم يشغلون الليزر على اني ماحسيت بشي ابد بس ممحد قالي انو لازم تطلع ريحه
تشجعي ياغلامه وسويها بس
وان شاء الله تجين تبشريننا .. بس وشسمه انتظري لما الاجازه وسويها بداية الاجازة على طوول 
9 نوفمبر 2009 في الساعة 10:54 م
كآوآي
قلت لكـ أول .. كلامكـ خلاني أشيل الفكرهـ بالمرهـ
بس بعد الفيديو والله لو أركب تيلي سكوب ما أسويها
ما شاء الله تبارك الله عليكـ و على كل إللي سووهآ
الحمد لله على السلامهـ .. موفياء الحمامهـ << كيفي أقةل إللي أبي
11 نوفمبر 2009 في الساعة 3:40 م
اهم شي الحمد لله على سلامتج
وا شاء الله ماتحتاجينها ابد خيتو
13 نوفمبر 2009 في الساعة 1:48 ص
السلام عليكم …
سلامات سلامااات ماتشوفي شر يا الغاليه
الحمد لله انو العمليه تمت على خير ونجحت وصارت ١٠/١٠ وصرتي زرقاء اليماامه
والله فرحت كثييييييييير انو سويتيها
سلميلي على نفسك وان شاء الله امورك عااال العاااال
تحياااااااااتي
14 نوفمبر 2009 في الساعة 7:38 م
لاااااااااااااااااااااااااااااااااا مستحيل مستحيل آفكر آسويهـا بعد الفيديو ذآ ولا الصوت
آنا عندي ضعف نظر فظيع وبالقوهـ صرت آلبس نظآرات
وحده من صحبآتتي حتسويهـا حآآعطيها آلرآبط لوووووووووووووولز
الحمدلله عالسلامه ..
19 نوفمبر 2009 في الساعة 1:45 ص
لاهـ لاهـ لاهـ لاهـ ..
ماتخيلت العملية بها الدرجة من العذاب والمعاناة ..
انا وحدة لبست النظارات لمدة 4 سنوات .. وطقت روحي منها
ولما تركتها بجد ارتحت ..
الله يعين اللي مكتوب عليهم شقا النظارات طول العمر ..
الله يديم عليك العافية والصحة ياسومي
25 نوفمبر 2009 في الساعة 11:50 م
الوضع السيء اللي مريتي فيه بالضبط مثل بنت خالتي، حتى ان بعض القطرات كانت تختلف عن اللي اخذوها خواتي من الريفي.. وتألمت كثير أكثر من أسبوع
كنت مييييته أبي اشوف العمليه 
بما اني الوحيده اللي ما احتاجها اللهم لك الحمد
اول مره راحوا 2 بس وما قدرت اطلع معهم، كانت العياده مره زحمه!!
وقالوا تشترون السي دي بـ 5 دينار 
قلت أشوفها بالنت أحسن 
أما خواتي الحمدلله 3 أيام وما كأن فيهم شيء ، يمكن قوة التحمل غير
أهم شيء الفيديوووو
عندي خواتي 3 مسوينها
وثاني مره مع أختي الصغيره التلفزيون خربان والهندي ما عرف يصلحه ولا الممرضه
سؤال بس، الكحال اذا ما رجع نظرك كامل ما يسويها لك مره ثانيه من عنده؟ يعني بدون ما تدفعين شي؟
الريفي بالبحرين سواها لوحده من خواتي مره ثانيه بعد 3 شهور لأن نظرها ما رجع كامل أما الثانيه قال لها ربع او نص ما يفرق ما تحتاجين عمليه..
وياللا أهم شي ارتحتي من النظارات وعدت الأيام على خير
27 نوفمبر 2009 في الساعة 2:48 م
آححححححححححححح :| الفيديو ماشفت اللا اول 40 دقيقهـ بعدين بططلت
!
آححححح يعووور
بس اقول,, اذا رمشتي وش يصير
؟! وو,, هذاك الشي اللي ماسك رموشك مايعوور 
؟؟
حمدللهـ ع السلاامهـ ياقدعهـ 
بسس بـ جدد حرام عليك في ناس خوافهـ 
آممممـ,, بس خلصت
29 نوفمبر 2009 في الساعة 1:29 ص
حرااااام عليج يابنت الحلال
اناا قريت كلامج وخفت شووي بس تبين الصراحه تحمست
بس بعد مااااااشفت الفيديوو هووووووووووونت بسم الله كيف جيه مبطلين عيونه ..
انتي يوم فتحو عيونج ماحسيتي بألم وهم ماغطين عيونج .. ولا بنج ماتحسين بشي ابد ؟؟؟
ولاااااااااا شووو هالصووووووووت الي طلع بعد ماشال الجزء الشفاف من فوق البؤبؤ ..
تصدقين من شغلت الفيديوو واناا عيوني جيه من الخوف
المهم الحمدالله على سلااااااااامتج حبيبتي ^_^
وحبيت اسألج يعني بعد هالعمليه .. مايصير ضعف نظر مره ثانيه صح .؟؟
5 ديسمبر 2009 في الساعة 11:45 م
ههههههههههههههههههه يآ حليلكـ يآ سومي ،
، والحين وصل لسن ما يصير يسوي العملية ، راحت عليهـ ،
يلآ الحمدللهـ على سلآمتكـ وأهمـ شي 6 على 6
من زمان وانآ أقول لأبوي سو العملية أريح لكـ ، كلهـ يقول بعدين
بعدين
واللهـ وحشتني سوآلفكـ يآ الدوبية قلت أجي أحوط بمدونتكـ اللي تدنن شوي
Gana
27 ديسمبر 2009 في الساعة 10:19 م
سلاماااااااااااات يااقلبوو ..
بس والله من جد خليتيني اهوون
اسوي العملية .. من طررريقة شررحك وووصفك ..
والفيديو ماشفته ولا افكر اصلا ..
يآآآرب ترززقني شجاعتك واخلص من هم النظارة ..
وماتشووفي شر ..
نووري ..بنت خال خاالتو هع تحسين شي صعب
1 أبريل 2010 في الساعة 4:47 م
تخوفين =(
ماحببك =(
= انسآنه نظرهآ منعدم =(
ووو أبي اسويها بالاجآزه آللي بنص التيرم
بس بآلريآض عند خآلد الجبير ، ووو أخآف شسمه و دوآم =(
ومآبي أصبر للـ صيف عندي عرس قبل =(
وانا انسآنه ممنوعه من العدسآت
< تفضفض خخخخخخخخخخخ
5 أبريل 2010 في الساعة 9:24 م
يمه والله يخرع الفديو
شكلي بهون عن العمليه
مبروووووووووك خيتو
والله يدم عليك خضراء اليمامه
25 أغسطس 2010 في الساعة 4:16 ص
يآقووآآ قلبكـ مآشآء الله
أجل كنت مخططه آسويهآ هاللحيـن بطلت آقعد ع العدسآت والنظآره آهوون
مادريت أنهم يسوونها وانتي صااحيــه !!
يآربي يآحبيبيّ
سلامتكـ يالغلاآ الحمد لله ع السلامـه