السلام عليكم ورحمة الله أدري هالمره مصختها وطولت كثير عالمدونة + تقفيل لمدة ٣ اسابيع

بس ترى مالي شغل :wlashai:  بقولكم وش صار

أول شي .. بعد ماحطيت تدوينة فجوري وصورتها الجميلة كنت متوترة عشان عمليتي الليزك << ليزك ترى موب قلب

ف قلت كم يوم بعد العملية وارجع أدون ولكن ماذا حصل اكتشفت بعد ماسويت العملية إنو الواحد بعد مايسوي عملية الليزك ياكل تبن محترم

وين الي قالوا لي تنطين من فراش المستشفى وتصيرين زرقاء اليمامة وتنططين مثل الحصان

انرزعت في الفراش اسبوع مدري ٧ أيام .. شفت فيها الويل وكل شي سيء بالحياة .. أول ٣ أيام وأنا مركبة العدسة شوي تنبلع بس تعالوا لما جاء يوم الأحد وشلتها خخخخخ تعرفون لما تصصير عيونكم ترمش وتصير تحك بالقطع حق العملية :y3:  ايه بالضبط هذا الي قعد يصير لي لمدة يومين

لدرجة إني كنت أدور شي ابكي عليه عشان عيوني تدمع وما أحس بالألم

والناس رمضان وتصلي وتخشع وأنا ماسكة هالمناديل وهالقطرات وأهل العبيري كل ماسنحت لي الفرصة أو لم تسنح

بس الحمدلله كلو صار تمام بعد اسبوعين وصرت اشوف منيح

نيجي الحين للسالفة الثانية

بعد ماقمت بالسلامة اكتشفت انو موقعي تقفل واني ماسددت ومو بس كذا .. اكتشفت ان الشركة الرائعة الي كنت عليها عزلوا حظ يجنن أدري

والله وبكل لقافة العالم قلت بأكشخ هالسنة وبأروح على إستضافتن أجنبية وأصير كوشخه :kkk:  وعينكم ماتشوف إلا النور والسرور

بهذلوني بهذلة أليمة جدن جدن جدن كل ٥ دقايق أتلاعن مع الدعم الفني بدون زي فايدة .. كنت بطير لهم أمريكا أتلاعن معهم بس للأسف كان عندي كويزات

اسبوعين من البهذذذذلة وكل شركة ترميني عالثانية والباك اب حق موقعي يشكي الحال محذوفن به :shno:  والله وصلت لمرحلة إنو خلاص بأصيح بس قدرت أتمالك نفسي حمدلله

وحمدلله بعد إسبوعين من الكرف الأليم والبهذلة والسب في الشركات الأجنبية زبط الموقع اليوم الصبح :e7m:  كلولولوش :relax:  لازم تسوون لي حفلة

هالسمستر ضغطت نفسي لأبعد الحدود :#  نزلت ٧ مواد :yeh:  ودي أخلص بسرعة :shno:  باقي لي ١١ مادة بالخطة وأتخرج

هالسمستر موادي نايس بس المسسز مصرين يخلونا نكره المناهج تباً عليهم

System Analysis & Design II

Business Data Management

Health Education III

Business Communications

Professional Ethics

Operation Management

Industrial Psychology

وبديت هالإسبوع كويزز وكلها ماتبشر بالخير وكلها جبت العيد فيها هذي أولها والله العظيم ذاكرت زين والمواد تافهه بس جايبين لنا إختبارات من تحت الأرض يحسبوننا هنري فورد شكلهم الله يستر بس بكرا عندي سايكولوجي بروح أذاكر لا أجيب العيد بعد خخخ

وفي الختام .. شكراً مره جزيلاً كبيراً لـ هدوو بنت عمتو  لدعمها المعنوني وتحملها كل أنواع السب والشتم الي كنت أقولها وأنا معصبه عالشركة

وشكراً جزيلاً مرا كثيراً للأستاذ 3boud صاحب مدونة 3boud الكويسة جداً لمساعدته لنا وقت المحنة وتركيبه لقاعدة البيانات.. يعطيك ألف عافية

وشكراً كثيراً لشركة سستم آراب SysArabs صراحة على قد مالفيت مواقع وطلبت دعم فني بس محد عرف يحل مشكلتي الا هم :glbo:  شركة رااائعة من جد ودعمهم الفني بيرفكت :glbo:  نصيحة إلي يبي ياخذ موقع يروح عندهم خدماتهم آخر حكي وشاطرين بكل شي

هذا الموضوع كتب في 27 أكتوبر 2009 في الساعة 6:04 م ومصنف بهذه التصنيفات: εïз سواليفي. يمكنك متابعة التعليقات على هذا الموضوع عن طريق ملف الخلاصات RSS 2.0. يمكنك أن تكتب تعليقاً, أو تعقب على الموضوع من موقعك.