يسعد مساكم يآرب ..

عآرفة هالمرة حطمت رقم قياسي من كتبت آخر تدوينة لما الحين ههههههههه

مدري حالة التناحة جايتني بزيادة اليومين هذي خخخخخ .. تعرفون لما تخلصون جامعة وخلاص ماتبون تسون أي شي بالدنياا غير التسدح وعمل اللاشيء !

بالضبط هذي حالتي من عطلت .. تسدح .. موفيز .. أكل أكل أكل :555:وأتهاوش مع حمودي أخوي خخخخخخ

حتى كنت أقول بس يجي الصيف بسوي وبسوي وبسوي :555:  ولا سويت ولاااشي << مبسوطة يعني

أبشركم إني نجحت وصرت الحين سينير سمستر وآحد بس وأتخرج آآآآه ما أحلاه من شعور

ترا من الحين أقولكم أبي حفلة كبيرة جداً جداً

ماعندي شي جديد .. أنا مثل ما أنا على حطة يدكم :555:  << هذي الي ماتبي تسولف خخخخخخ

تصدقون جتني صدمة عاطفية لما تذكرت إنو مرت سنة كاملة على رمضان الي فات وعلى عمليتي الليزك :oh:  يارب كيف مرت الأيااام بسرعة خيالية

والله السنة الي فاتت بكل تفاصيلها كآنت أجمل سنة مرت بحياتي .. حبيتها من قلب حمدلله كل شي فيها كآن حلو ومدري حسيتني كبرت خلاص وبديت أتحول لعجوز ثقيلة دم

عساها كل السنوات تصير حلوة مثل الجونيور يير

طيب شكراً جزيلاً لكل الي سألوا عني وأرسلوا لي وإن شاء الله إن ربي يفتح علي وأمسك الكام أصور شي ولا أشوف لي صرفة بدل القعدة الي مامنها فايدة هذي

عسآ صيفكم كله فرح وألوآن يآرب

قد سمعتوا المثل الي يقول .. وحده وراها اختبار أناليسس صعب وماتبي تذاكر فتدور شي يلهيها ..؟! << هذا مثل ترى

الزبدة إنو كان وراي اختبار ومابي اذاكر فـ وش سويت .. ؟ طلعت الحوش أبي أصور .. وطبعاً تعرفون ماشاء الله سويسرا ومناظر خلابه فمالقيت شي أصورهـ لقيت هذي الوردة المسكينة الي لسا ماتفتحت حتى خخخخخخخخ

والله يعني طلعت جيدة نوعاً ما اللقطة

وجيت الا الجامعة يقولون يبون صور عشان مهرجان الزهور فقلت بعطيهم صور صورتها جميلة لمهرجان الزهور حق السنة الي فاتت بس قلبت الكمبيوتر كله وللأسف مالقيت النسخ الأصلية مدري وين طارت مع لابتوبي القديم لذلك انحديت على هالصورتين بحكم إنو ماعندي صور مناظر طبيعية غيرها

عاد الثلاثاء إن شاء الله بنسافر وبصور هناك والحين قاعدة أنتظر نتيجتي المصونة والله يستر بس يا إني هببت

إنتظروا تصويري بعد ما أرجع من الإجازة إن شاء الله

والله مو عن بس صدق جامعتي تضغط الواحد نفسياً جداً جداً بس خلاص إن شاء الله بصير أكتب دايم حتى لو خرابيط ولا سواليف

وهذي التدوينة لكل الي يتشكون إني ما أتكلم عن نفسي واجد والي حابين يتعرفون علي يعني أكثر

طيب وشسمه بسم الله نبدأ (- ذبيحة موب تدوينة

إسمي .. سمية  عمري ٢٢ سنة .. أدرس بكلية الجبيل الجامعية ( JUC ) السنة الرابعة ( Junior )  تخصص نظم معلومات إدارية ( MIS )

أقدر أقول عن نفسي شاطرة بدراستي حمدلله ،، ولو إنه مرت علي فترات كرهت الجامعة ونزل مستواي جداً بس حمدلله الحين قاعد يرجع كما كان .. إنسانة طموحة لأبعد حد وحلمي أبدع بكل شي بالدنيا ،، ودي أتعلم كل كل كل شي وأصير أفهم كل شي حولي وما أحب شي يفوتني أو أكون جاهلة بأي مجال ممكن ..وإن شاء الله بس أتخرج ناوية أكمل دراسات عليا وأصير دكتورة آآآد الدونيا

متخرجة من مداري تحفيظ القرآن وحمدلله تربيت فيها على أيدي مربيات وأكثر من أمهات بالنسبة لي .. ماما عيدة وبعدها تخرجت من الثانوي تخصص علمي بنسبة ٩٦ ٪ أدري كانت خايسة بس عاد ماجت الفاينلز الا وأنا مطنقره ومافتحت شي

حمدلله إجتماعية درجة أولى وصداقاتي وعلاقاتي مالها حدود وأحب كل الناس ويارب كل الناس تحبني بنات جامعتي فيه من هم كثير لما يتكلمون عني كـ ( KaWaii GiRl  )  يقولون عني مغرورة وشايفة نفسي وما أدري ليش هذي السمعة الفاشلة جداً هههههههههه

أنا أكثر إنسانة متواضعة ولله الحمد وما أحب الناس المغرورة أبداً وبالعكس الي يقرب مني ويعرفني رح يكتشف عكس كذا تمامااً

الي يرسلون لي يقولون مرتبطة ولا لاء ومدري ليش يعني العبط هذا ناوين تخطبون يعني ههههههههه لاني مرتبطة ولا في علاقة ولاشي عزباء ولله الحمد

أحب بيتنا جداً وما أحب أطلع منه ( بيتوتيه درجة أولى ) صكروا علي بغرفتي + آي ماكي وأشيائي ولحد يسأل عني .. ممكن أغيب معهم أيام وأهلي مايشوفوني .. ما أحب السفر .. أكره السفر وما أحب شي يغير الروتين اليومي حقي أبداً أبداً .. أنا إنسانة لي طقوسي الخاصة اليومية وما أحب شي يغيرها !

أحب أصحى كل يوم أروح على حمامي ـوانتوا بكرامةـ أستخدم غسولي وكريماتي .. أحط فرشتي ومعجوني بمكانهم الخاص .. أمسح بمنشفتي ..

أحب بعدها ألبس روبي وأنزل أسوي لي كوبي الكوفي بنفس المق حقي .. وأحط الكوفي بالمق بنفس الملعقة عشان يصير بالضبط نفس المقياس بالملي .. لو يزيد حبة كوفي او ذرة كوفي ميت أو حبة سكر أو تنقص ممكن أتأزم وما أستمتع بالكوفي حقي هذاك اليوم .. كل شي عندي بمزآآج ويمكن هذا الي يخليني أتأزم إذا رحت مكان ثاني أو سافرت ..

لو كان عندي جامعة ،، أروح الجامعة وأفطر هناك مع سمسوم ولا هدوو بنت عمتو وصديقاتي ولا إذا كان يوم إجازة غالباً أفطر فول ولا بيض ما أحب فطور غير هذي الشيئين أو بان كيك ووافلز .. طبعاً مو أي فول يعجبني ولا زي بيض يعجبني كل شي لازم أنا أسويه بطريقتي الخاصة حسب معاييري الخاصة جداً جداً 

لو رجعت من الجامعة أحب على طول اتغدى اي شي + أكون أتفرج بالسيريز حقي الي اكون محملته قبل لا اطلع للدوام .. وأروح أنام ساعتين بالكثير ،، أقوم العصر وبرضوا كوب كوفي على مزززاجي يروقني طول اليوم .. وبعدها عالمغرب كذا لليل لو عندي اختبار ذاكرت ولو ماعندي قعدت سويت اي شي غير مفيد مثل الهذرة مع هدو ونوري عالمسن والحش في الناس والمسات بس غالباً يعني الجامعة مايتركون الواحد يصيع لازم كرف وقلة أدب :h:بعدها أنام عالساعة ١٢ ونص أو ١ الليل وهكذا

هذا سستمي اليومي الي ما أحبه أبداً يتغير ولا أتخيله يتغير ولو صار شي غير شي بيومي ممكن نفسيتي تتعب جداً ،، وهذا شي مو زين أبداً وقاعدة أعمل على التأقلم على أي سستم ثاني أو مكان ثاني خصوصاً إني كلها شوي وأعرس وبتتغير حياتي كلها فـ وش ممكن أسوي لو طلعت من غرفتي وغيرت فراشي وغيرت نومتي وقعدتي وأكلي ..!

طبيعتي هاديه غالباً ،، بس أحسني بنفس الوقت مفعمه بالحيوية والرجه أحب جداً أقعد لحالي وأنبسط كثير ..

السنة الي فاتت ٢٠٠٩ – ١٤٣٠ كانت في نظري إنقلابة في حياتي .. يمكن كل سنة أقول إنو هالسنة كانت غير وإني أحسني نضجت وعقلت والخ الخ بس هالسنة حسيت غير غير ،، أشياء كثير صارت لي خلتني أكبر كثير وحققت أشياء كثير كنت أنتظرها من زمان ..

سويت عمليتي الليزك وبعد طفولة وعمر طويل من التعذب بالنظارات صرت أحسني إنسانة طبيعية أقدر أشوف عادي مثل باقي الناس .. وحجيت ،، تجربتي بالحج خلتني أحس كل شي بالدنيا بايخ وتافه وقدرت فيها أعرف أنا وش أبغى من جد من دنيتي وإنو فيه أشياء كثير تافهه قاعدة أضيع وقتي وفكري وحياتي عشانها وبعدين !

أحسني الحين صرت كبيرة وقادرة أواجه الدنيا وأتخذ قرارات مصيرية وأنا واثقة بنفسي .. عرفت مين يستاهل أضيع وقتي معاه ومين مايستاهل ..

أدري قاعدة اتفلسف واهذر واجد بس من أول حاسه بهالفيلينغز وودي أقولها

الموهيم خلصت سواليف عني ،، والي يبي يعرف عني أكثر فيه الفيس بوك حقي والفورم سبرينق والمدونة ماتقصر

اختباراتي السبت الجاي والله يستر بس دعواتكم :y3:  وفيني بدايات فلو الله يستر بعد

سلام ياجماعة :$ أدري هالمرة مصختها مرا طولت عن المدونة :$

بس مايحتاج أرجع وأقول اختبارات وواجبات وبرزنتيشنز وقلق وقلة أدب

لذلك نخش في الموضوع طوالي ها وش رايكم في شكلي تغيرت عليكم

مبين علي صرت حجة وصرت كلي رزانة ووقار (- آآآوت

والله العظيم أجمل شعور ممكن أحد يحسه بالحياة كلكم السنة الجاية روحوا الحج

من أجمل أيام حياتي والله مابغيتها تخلص

وأنا بحكم إني مرا مشغولة وبالموت لقيت وقت أكتب فيه هالكلمتين فـ بأتكلم باختصار خخخ

يعني رغم الأمطار والفيضانات وانفلونزا الخنازير والحوثيين وهكذا رحنا وماعاقنا شي خخخ والصدق كان مرا مرا مرا فااضي كل الناس كانوا خايفين وماراحوا هع

طبعاً صارت لي مواقف كثيرة وجبت العيد كالعادة يعني حتى بالحج خخخخخ بس خلوها لبعدين خخخخ خلونا الحين بسالفة الوقار والرزانة

(أراوي – غدوش – سارون ) أحلى أيام عشتها معاكم ياشلتي الجميلة أراوي حبيتك من أول مادخلت الخيمة وقلتي لي “إن ماوسعك المخيم توسعك عيوننا” يالبييييه

وكل سنة وانتوا طيبين سنة جديدة ومرحلة جديدة واختبارات قربت ومدري وش اسوي بالضبط في الحياة هذا الي ينزل ٧ مواد بالسمستر الواحد يصير له شي مو كوويس

ادعوا لي بس عندي ضغط هالاسابيع بشكل ووشسمه الي يعرف يسوي قواعد بيانات بالاكسس يصير صديقي هالاسبوع صدق أحتاج أحد فاهم بالأكسيس مرا

وبرب لما أخلص هالسمستر :yeh:  دعواتكم

وهذي بعض الصور للحج

هذي السيول من طريق جدة – مكة اليوم الي مشينا فيه على مكة .. كانت أجواء خرافية

سلام عليكم :5agh:  يخرع الفيديو صح :5agh:  تخيلوا إني قبل عمليتي قعدت أتفرج فيه يمكن ميتين مرة رحت وأنا عارفة كل شي بالثانية متى بيصير

نظراً لطلب الأخ أحمد صاحب مدونة خاطرة بيضاء إنو أتكلم عن تجربتي مع العملية فـ رح أحكي عنها من إلى ولحد يتعقد تراني أنا حساسة بزايدة خخخخ يعني يمكن ماتعور مره بس أنا أشوفها نوع من أنواع التعذيب إلي أتوقع إنهم يمارسونه في غوانتنامو

طيب وشسمه أنا رحت وأنا عندي خلفية تامه كبيرة جداً بحكم إني شفت الفيديو مليون مره .. ورحت على موعدي لمستشفى الكحال للعيون بالدمام .. وعلى فكرة هذي أفضل عيادات عيون بالمملكة والدكتور عادل الرشود مافي مثله أبداً

أوكي المغربي وغيرهم يسوون العملية بـ حوالي ٥٠٠٠ وبالكحال بـ ٨٥٠٠ بس الصراحة كذا وحده أعرفها بعد ماسوت عند مغربي وغيره مارجع نظرها بيرفكت بعد العملية .. فـ نصيحة من عندي لاتروحون إلا عند د.عادل

المهم رحت يوم الثلاثاء وهو اليوم الوحيد بالإسبوع الي يسووي فيه الدكتور عملية الليزك .. وكنت متحمسه وعلى بالي أبد بيقعدوني ٥ دقايق يقطعون بعيوني شوي ويلزقونها ويلا يابنتي قومي إنطلقي وقزي لوحات المحلات ولاتبقين نملة ما تشوفينها ولا قملة

والله قعدت بالويتنغ رووم وشوي إلا هذول يعطوني هذي الأشيائات المرعبة حقت غرفة العمليات يلبسوني اياها :wshoo:  ياعرب إحنا ما اتفقنا على تسذا بنوب بنوب :wshoo:  بغيت أنحاش بس الممرضة ربطتني للكرسي ولبستني

الزبدة أنا تخرعت من نفسي يوم شفتني بالملابس هذي :wshoo:  وفجأة وأنا أنتظر إلا بدأ قلبي الله يصلحه يدق يدق خربها بس أنا داريه قلبي شجاع مغوار لكن كله من هالبلاوي الي ملبسيني اياها حسسوني إني بدخل عملية زراعة مريء موب تشطيب

والله وقوموني وودوني للغرفة حقت العمليات وكنت بعد بأنحاش بس أبوي طل على ومسكني بالغصب ودخلني الغرفة

والله مدري هل الغرفة كانت عباره عن فريزر ولا أنا من شفت عشرين ممرض وممرضه والدكتور وأنا قمت أفقد الإحساس بالبرد والحر

والله ويحطوني على وشسمه السرير (- لاعاد :555:  .. وغطوني بعشرين طعش غطا أبيض عاد هنا ساعتها تذكرت الموت وفقدت الإحساس بكل شي في جسمي قلت اييه بتموتين يابنت الحلال تشهدي تشهدي :yarb:  وأرمق أبوي بنظرات الوداع الأخيرة قبل لا يغطون وجهي :5agh:  وداعاً بابيتو

والله ويغطون كل شي فيني الا فتحة عيني اليمين .. أنا ما فقع قلبي إلا الدكتور عادل الله يصلح قلبه .. الحين أنا حالتي حاله وميته خووف وهو يسولف :h:  يقولي إسمك سمية .. وطبعاً أنا كائن متشنج ويرجف وبعالم ثاني فمارديت

بعدين جاء خلاص الي نزل بيشق عيني وأنا خلاص ببكي .. قالي يلا بنبدأ باليمين جعلك الله من أهل اليمين (- في هذه اللحظة حسيت من جد إني بنهااار قلت الله يصلحك مو وقته اخلص علي يرحم والديك

قال بسم الله والله أكبر والحمدلله وإلى اللقاء وأنا قمت أتشهد بس والله وفقعت قلبه جبت له مغص في بلعومه من كثر ماقالي يابنتي في اللون الأخضر يابنتي .. الحين وانا منسدحه مفروض إني أطالع فوق في لبمة خضراء وعيني ماتتحرك يمين ولاشمال بس أبحلق فيها فـ عاد وش أسوي ماقدرت أمسك نفسي صارت عيوني تسوي كذا كذا كل شوي :ahaaa:  وانبح صوته مسكين يقول النور الأخضر يابنيتي ومافي أمل بنيتي ولا جدتي لازلت مصره :ahaaa:  حتى حسيت الليزر شقر حواجبي بالطريق من كثر ما سويت كذا :ahaaa:  (- لاعاد

والله وأسمع ناس حوالينه يعلقون وشكلهم يتعلمون مدري يدرسون الزبدة أزعجوني وخربوا جوي وعاد هو قام يقطع أول شي عيني بمشرط هنا كانت الرؤية طبيعية بعدين يوم يشيل الطبقة صارت نص نص صرت أشوف مع بلور شوي :mmm:  بعدين يوم يشتغل الليزر صرت ما أشوف ولاشي يعني صار كتلة ضباب على عيني .. وشوي  صرت أشم ريحة شياط وحريق :relax:  يالله ستركمابغيت أنط من الكرسي وأنحاش أبد

بعدين كب ابرة فيها موية بعيوني وبعدين قطرة ثانية توخر المخدر من العين وسوا العين الثانية ننفس الشي وبعدين حط عدسات كبيره بعيوني عشان تحمي العملية أول ٤ أيام وكل الشغلة يمكن ٦ دقايق ماكسمم وقالي يلا نعيماً وشالوا المفارش والخيام الي كانت فوقي وقالوا لي اذلفي ولاعاد ترجعين

طبعاً أنا كنت حاطه ببالي إني بأنقز من هالسرير وأصير خضراء اليمامة بس وأنا لسا أتجهز للقومه قالي الدكتور .. يابنتي ترى اول اسبوع الرؤية مو كويس وتبدأ تزين شوي شوي :no:  قلت يؤ وشفيه ذا مضيع أنا خلاص الحين بصير كاميرا مع زوم ١٠ X والله وبس جيت بأمدد برجولي وأنزل الا لاشي :bk:  بغيت أزلق أصلاً من كثر ما إني ما أشوف شي  

طيب سكتنا ورحت للحرمة الممرضة وقامت تقولي هذي التعليمات وكذا وكذا ولا تحطين ميك أب ولا نور ولا صابون ولا ولا قلت أوتسي مو مشكلة

وبس نزلت أنا وأبوي للصيدلية تحت عشان نشتري القطرات كانت الفاجعة :ent:  عيوني بدت تعور بشكل مرعب :relax:  يالله سترك بعد

والله وبس ركبنا السيارة وبحكم إن الطريق من الدمام للجبيل ساعة وشي فـ أضطررت للجلوس وتحمل الألم طول الطريق .. أول شي فك بنج العين اليمين بعدين فك بنج العين اليسار وبدأ صداع مسك راسي من الجنبين وألم فضيع .. هو المفروض الواحد يرجع البيت على طووول يحط القطرات وياخذ مسكنات بس أنا قعدت ساعة ونص المشوار من دون شي ..

أبوي يسوق وأنا واااااااع وااااااااااااع وقف خلاص بموت أنا نزلني نزلني مابي أرجع :waaa:  أبي أمييي مابي عيوني خلاص شيلوهاااع :waaa:  وبكيت بكيت بكيت ولحد حولي

والله ومرت الساعة ونص هذي مثل سنتين ووعشر أيام و٥ ساعات وبس دخلت البيت طبعاً الي مايعرف فـ أنا يوم أطلع من البيت كنت منشكحه ومبسوطة تقولون رايحه حفلة وبس رجعت وفتحت الباب وشفت أمي وأفكها بكوة  ومن هذيك اللحظة ولمدة ٣ أسابيع وأنا أبكي على أتفه شي بالحياة جتني حالة حساسية ورقاقة مشاعر

والله وأغلف غرفتي كلها .. ماخليت للنور طريق لها .. صرت باتمانه صدق والله على إني كنت ٢٤ ساعة في البيت بالنظارات الشمسية إلا إني لو أشوف لمبة مفتوحة أحس كإن سكين إنغرست بوسط عيني فـ  سويت أنواع القلق لأهلي :timeout:  هيييه هيه مافي لمبات

كنا رمضان وأيام فطور وكذا أخليهم يفطرون في الظلام :timeout:  نو لمبات بتاتاً والبيت كله صار رومنصي عايش عالأبجورات وإذا أحد سمع صوتي قربت يقفلون كل شي

طبعاً عادي جداً كانوا أهلي يقومون الفجر الصبح آخر الليل على صوت صياحي وبكاي وعيوووونييي وآآآع ومساكين أحس جبت لهم حالة نفسية هذيك الأيام

أول ٣ أيام وعدت على خير .. وبعدها جاء اليوم الموعود .. يوم فك العدسة الله لا يوريكم هذاك اليوم التعيس كان يوم عيد الفطر الصباح والله أبد صرت بس أرمش تحك جفوني بالقطع حق العملية فـ صرت مفتحه عيوني كذا ٢٤ ساعة :wshoo:  ولا مقفلتها ٢٤ ساعة

وعموماً بعد العملية صرت أنام بالهبل لإنو النوم في هذه الحالة أهون .. وصرت أقطر بعيوني ٤ قطرات ٤ مرات باليوم :slmat:  مره القطرات كانت تسبب لي أزمة

وحمدلله عدت الأيام بسرعة والحين حمدلله ياربي لك الحمد نظري صار ٦ على ٦ بعد ماكان – ٦ وشي سبحان الله في دقيقتين عيوني الي ماكنت أشوف فيها ولاشي صارت كإني توني والدة :hug:  حسيت هذي معجزة من جد

نو عدسات نو نظارات نو فرك للعيون كل شوي :relax:  حمدلله يارب هي اسبوعين عذاب وتعدي بعدها سنين راحة

مايستفاد من الموضوع يرجى إتباع النصائح التالية إن كنت ستعمل عملية ليزك ..:

-شيل من راسك إنك بتصير أزرق اليمامة بعد العملية مباشرة

-خذ حبوب بنادول أول ماتطلع من العملية على طول لإن البنج يفك في أقل من ربع ساعة

-خل عيونك عاللون الأخضر

-تفرج مسلسلات تركية ومسلسلات طبية ( ينصح بـ قريز أناتومي سيزن ٥ آخر حلقتين ) عشان فيها موت واجد فهذا يساعد على ذرف الدموع الي تعمل على الترطيب وإبعاد الألم (- ماكانت تسويها أبد

-لايضحكون عليك ويقولون لك النظارة الشمسية البنية او الفاتحه او الصغيرة تنفع خذ نظارتن سوداء كبيرة من الفم لأقصى الجبهة ولو تغطي فوق الشعر بعد أحسن

-صكر حتى فتحات النمل و القمل إلي بغرفتك لإنها ممكن تكون مصدر للنور بعدين :فيس متعقد من النور مرا مرا:

القطرات لا تتهاون فيها لإن كثير مارجع نظرهم كامل لإنهم أهملوا القطرات .. هي صح قلق وشغلة ولازم أصحى من النوم كل شوي بس عادي

-نسيت لو تذكرت بعدين كتبت :5agh:  (- آآآوت

وكل سنة وإنتوا طيبين ووداعاً

إدخلوا ونقوا المسلسل الي يعجبكم أنا عني كلها تعجبني والي يبي مسلسل معين بس يدق عالبيجر

Grey’s Anatomy

House M.D

90210

Desperate Housewives

Kyle XY

DollHouse

How I met Your Mother

Big Bang Theory

Dexter

One Tree Hill

Chuck

Gossip Girl

FlashForward

Heroes

Fringe

Office

Ugly Betty

LOST

السلام عليكم ورحمة الله أدري هالمره مصختها وطولت كثير عالمدونة + تقفيل لمدة ٣ اسابيع

بس ترى مالي شغل :wlashai:  بقولكم وش صار

أول شي .. بعد ماحطيت تدوينة فجوري وصورتها الجميلة كنت متوترة عشان عمليتي الليزك << ليزك ترى موب قلب

ف قلت كم يوم بعد العملية وارجع أدون ولكن ماذا حصل اكتشفت بعد ماسويت العملية إنو الواحد بعد مايسوي عملية الليزك ياكل تبن محترم

وين الي قالوا لي تنطين من فراش المستشفى وتصيرين زرقاء اليمامة وتنططين مثل الحصان

انرزعت في الفراش اسبوع مدري ٧ أيام .. شفت فيها الويل وكل شي سيء بالحياة .. أول ٣ أيام وأنا مركبة العدسة شوي تنبلع بس تعالوا لما جاء يوم الأحد وشلتها خخخخخ تعرفون لما تصصير عيونكم ترمش وتصير تحك بالقطع حق العملية :y3:  ايه بالضبط هذا الي قعد يصير لي لمدة يومين

لدرجة إني كنت أدور شي ابكي عليه عشان عيوني تدمع وما أحس بالألم

والناس رمضان وتصلي وتخشع وأنا ماسكة هالمناديل وهالقطرات وأهل العبيري كل ماسنحت لي الفرصة أو لم تسنح

بس الحمدلله كلو صار تمام بعد اسبوعين وصرت اشوف منيح

نيجي الحين للسالفة الثانية

بعد ماقمت بالسلامة اكتشفت انو موقعي تقفل واني ماسددت ومو بس كذا .. اكتشفت ان الشركة الرائعة الي كنت عليها عزلوا حظ يجنن أدري

والله وبكل لقافة العالم قلت بأكشخ هالسنة وبأروح على إستضافتن أجنبية وأصير كوشخه :kkk:  وعينكم ماتشوف إلا النور والسرور

بهذلوني بهذلة أليمة جدن جدن جدن كل ٥ دقايق أتلاعن مع الدعم الفني بدون زي فايدة .. كنت بطير لهم أمريكا أتلاعن معهم بس للأسف كان عندي كويزات

اسبوعين من البهذذذذلة وكل شركة ترميني عالثانية والباك اب حق موقعي يشكي الحال محذوفن به :shno:  والله وصلت لمرحلة إنو خلاص بأصيح بس قدرت أتمالك نفسي حمدلله

وحمدلله بعد إسبوعين من الكرف الأليم والبهذلة والسب في الشركات الأجنبية زبط الموقع اليوم الصبح :e7m:  كلولولوش :relax:  لازم تسوون لي حفلة

هالسمستر ضغطت نفسي لأبعد الحدود :#  نزلت ٧ مواد :yeh:  ودي أخلص بسرعة :shno:  باقي لي ١١ مادة بالخطة وأتخرج

هالسمستر موادي نايس بس المسسز مصرين يخلونا نكره المناهج تباً عليهم

System Analysis & Design II

Business Data Management

Health Education III

Business Communications

Professional Ethics

Operation Management

Industrial Psychology

وبديت هالإسبوع كويزز وكلها ماتبشر بالخير وكلها جبت العيد فيها هذي أولها والله العظيم ذاكرت زين والمواد تافهه بس جايبين لنا إختبارات من تحت الأرض يحسبوننا هنري فورد شكلهم الله يستر بس بكرا عندي سايكولوجي بروح أذاكر لا أجيب العيد بعد خخخ

وفي الختام .. شكراً مره جزيلاً كبيراً لـ هدوو بنت عمتو  لدعمها المعنوني وتحملها كل أنواع السب والشتم الي كنت أقولها وأنا معصبه عالشركة

وشكراً جزيلاً مرا كثيراً للأستاذ 3boud صاحب مدونة 3boud الكويسة جداً لمساعدته لنا وقت المحنة وتركيبه لقاعدة البيانات.. يعطيك ألف عافية

وشكراً كثيراً لشركة سستم آراب SysArabs صراحة على قد مالفيت مواقع وطلبت دعم فني بس محد عرف يحل مشكلتي الا هم :glbo:  شركة رااائعة من جد ودعمهم الفني بيرفكت :glbo:  نصيحة إلي يبي ياخذ موقع يروح عندهم خدماتهم آخر حكي وشاطرين بكل شي

أول بورتريه لي .. اذكروا الله